Eis wierker

Eng Këscht Geschichten

Eng Këscht Geschichten

– Ass et en Album? En Heft? Nee, et ass eng Këscht! –

Comic, bande dessinée, graphic novel, manga…

Et gëtt vill Nimm fir dat, wat mir déi 9. Konscht nennen. Dës Këscht as voll domat – awer et ass nach Plaz! Maacht op a loosst Iech iwwerraschen.

“Ass et en Album?”
“Ass et en Heft?”
“Nee, et ass eng ganz Këscht voll Geschichten!”

Kaaft d'Këscht hei (LU)

ISBN: 978-2-9199659-9-1
Publikatioun: 2022
Auteurs: Marc Angel, Andy Genen, Jeff Hemmer, Sabrina Kaufmann, Jean-Louis Schlesser, Pit Wagner

Publizéiert vun den Frënn vun der 9. Konscht,
mat der frëndlecher Ënnerstëtzung vum Lycée Michel-Rodange.

An der Këscht

Em wat geet et? Hei ass eng Iwwersiicht vun den verschiddenen Medien an der Këscht.

Jean-Louis Schlesser & Pit Wagner:Kinnekswiss

E Student, deem Literatur um Häerz läit, diskutéiert mat enger Studentin, déi éischter wëssenschaftlech tickt. E BD-Poster, deen d’Zäit dout schléit. Fir opzehänken oder och net.

Andy Genen : Hond, Kaz, Mann

Eng kleng Geschicht, mat e puer Biller erzielt, déi op eng spilleresch Manéier weise wëll, wéi wichteg d’Reiefolleg vu Biller an en- ger Sequenz ass. Fir seng eege Kreativitéit auszeprobéieren.

Marc Angel : De Rescht vun der Geschicht

Wanternuecht: Eng Biller-Erzielung iwwert Leit op der Flucht. Leit vun hei, an engem Krich, fir dee si net konnten. Erliefnisser a Schicksaler, déi net an de Geschichtsbicher stinn.

Sabrina Kaufmann : Victorian Murder Mystery

D’Opfer, de Verdächtegen, d’Detektivin, an ee Mordfall. Kanns du d’Illustratioune liesen an d’Wourecht eraus fannen? Eng Zort Kaartespill fir Kappkino.

Jeff Hemmer: Wanterbléi

Eng eidel Schnéilandschaft verwandelt sech an eng Bün, op där e mysteriéise Fuuss, en anarchistesche Philosoph an nach e puer aner Gestalten sech begéinen. En Dräiakter am Täscheformat, op ee Meter auserneegefaalt.

Eng Këscht ënnerwee

Mir freeën eis ëmmer, Iech fir Dedicacen ze gesinn!

9konscht.lu

Kaaft Äer Këscht!

Fir Iech selwer, oder als flotte Kaddo: andeems Dir eis Bicher kaaft, ennerstëtzt Dir d’Frënn vun der 9. Konscht mat all eisen Auteurs.

Eis Auteure sinn reegelméisseg op Events disponibel (BD Contern, Walfer Bicherdeeg, …) fir Iech flott Widmungen an d’Bicher ze zeechnen.

Dir kënnt eis Comics och bei Aeren Lëtzebuergeschen Librairien fannen an ufroen, oder Online beim Ernster.lu bestellen!

Kaaft Äer Këscht hei (LU)